Vyakti Yadi Thaan Le To Bhagwan Uske Drid Sankalp Ko Poora Kara Hi Dete Hai..

krishanabhagwan
Apne hote hue bete mar gaye, apne janm se pahle maa baap ko jail jana pade, janm ke 8 vedin pootna jehar lekar maarne aye, denuka sur aghasur baka sur chatka sur or jane kitni musibate krishn bhagwan ke jeevan me ayi… or aisa bhi nahi ki unki sadev vijay hui unko yuddh chod kar bhagna bhi pada..fir bhi krishn bhagwanke jeevan me gyan tha to unhe koi paristhiti dukhi nahi kar payi

Jeevan me sukh hi sukh ho vijay hi vijay ho ye koi jaruri nahi hai par jeevan me gyan hona bahut jaruri hai

Vyas Bhagwan ne bhagwad ki shuruaat bahut hi acche slok se ki… adibhautik taap, adhyatmik taap or adidaivik taap se mukt hone ke liye hum parmatma jo sat hai chetan hai or anand swaroop hai unko naman karte hai

Sansaar tape tapta naam yogo param aushadah.. dhan satta adi milne se taap nahi mit te lekin bhagwan ka gyan milne se bhagwan ka vaibhav prapt ho jata hai or taap jate rahte hai

Kuch varsh pahle punjab me patiyala riyasat ke amargarh kaswe me 1 brahman ka janm hua bachpan se hi tange apang thi.. ya to hatho se apne sharir ko ghaseet kar chalta tha ya koi use uthakar le jata tha.. usne suna tha bhagwan jagat ke nath hai or unka mandir orrisa me jagannath puri me sthit hai.. usne bhagwan ka darshan karne ki thaan li.. us samay train bus shuru hi hui thi paidal hi yatra karni hoti thi.. gao walo ne pahle to samjhaya ki tumhari tange nahi hai tum kuch kadam to badi muskil se chalte ho jagannath puri kaise pahunchoge.. lekin jab vo nahi mana to ghar walo ne jitna ho saka gujara karne ke liye e diya.. brahman ghasit ghasit kar chalne laga.. 2 din bade utsaah se chala kuch gaopaar kiye… or 2 din ki yatra se buri tarah thak kar wo ped ke neeche let gaya.. sandhya ka samay tha 1 anjaana vyukti jo sab kuch jaanta hai aya or us se poochta hai kon ho tum? or yaha kyu pade ho.. ispar brahman bola me brahman kul me janma hu or jagannath ji ki yatra karne ja raha hu.. Vyakti khoob jor se hasa or bola are brahman devta tumhara per to hai nahi 1 din me 1 meel chalna bhi asambhav sa hai.. fir tum jagannath ji kaise pahunchoge..is par brahman bola vyukti jo thaan leta hai us se agar peeche nahi hate to wo kuch bhi kar sakta hai.. parvati ne shiv ji se vivaah karne ka thaan liya fir sankadi rishiyo ne unko hilane ki khoob koshish ki par fir bhi unhone bola ki maine narad ji ko apna guru maana hai or unke kahne par maine ye nchay kiya hai ab agar mujhe is nichay ko poora karne ke liye kitne bhi janm lene pade to bhi me is nischay se nahi hat sakti.. or unhe bhagwan shiv pati roopme prapt hue to me bhi to insaan hu.. me to sirf mandir ke hi darshan karna chahta hu.. bhale meri raste me hi mrityu ho jaye par me haar nahi manunga.. us vyukti ka jeena vyarth hai jisne apne jeevan me jagnnath ji ke darshan nahi kiye.. is par vo vyukti bola ki agar tumko yahi bhagwan ka darshan hojaye to to maan jaoge?.. brahman ne kaha ha mujhe koi apatti nahi hai.. or uske bolte hi vo vyukti sakshat jagannath ji ke roop me prakat ho gaya.. man ke sankalp vikalp shant ho gaye.. hriday pulkit ho gaya… atyadhik anand ka anubhav hua… bhaav vibhor ho gaya…Jagannath ji ne poocha ab to satosh hai tumko bola ha ab me santust hua lekin gaao walo ko me kaise bataunga ki mujhe darshan hue.. ya to aap mere sath chaliye ya mujhe aisi koi nishani dejiye..Bhagwanne uske aade tede pairo par apna per rakha or dono hatho se upar uthaya.. brahman ke dono per sahi ho gaye or kubja ki tarah divya kaya prapt hui.. Wo brahman 2 meel hi chal kar aa paya tha daud ke 1 ghante me hi apne gao pahunch gaya or sabhi ye chamatkaar dekh kar chakit rah gaye or sabne uske thik hue pero ko dekh kar mana ki aisa chamatkaar koi vaidya doctor adi koi operation nahi kar sakta..ye bhagwan jagannath ji ki hi leela hai..us brahman ke sharir se utpann putro ki vansh parampara aaj bhi chal rahi hai evam uske poutra prapoutra aaj bhi jinda hai..